"Nike" компани АНУ-ын өнцөг булан бүрт коронавирусний халдварын эсрэг ажиллаж буй эмч эмнэлгийн ажилтнуудад зориулж 30 мянган гутал хандивлахаар болжээ. Тус компани 2019 оны 11 дүгээр сард олон цагаар зогсоогоор ажилладаг хүмүүст зориулсан эрүүл мэндэд тустай Air Zoom Pulse загвараа гаргасан. Энэ загвараасаа эрүүл мэндийн салбарынханд хандивлах юм байна. Мөн 95 мянган хос оймс хандивлах аж.
Тус компанийн энэ хандивын ажиллагаа цааш үргэлжилж Лондон, Милан, Парис, Барселон зэрэг хотын эмнэлгийн ажилтнуудад ч 2500 гутал хандивлахаар төлөвлөжээ.
Дэлхийн хэмжээнд коронавирусний 3,5 сая тохиолдол бүртгэгдэж 251 мянган хүн нас бараад байна.
