Албаны эх сурвалжийн мэдэгдсэнээр, Туркэд газар хөдлөлтийн улмаас 12,391 хүн амиа алдаад байна. Харин Сирид 2,992 хүн амиа алджээ.
Туркийн Зүүн Өмнөд хэсэг болон Сирийн баруун хойд нутгийн оршин суугчид аврах ажиллагаа удаашралтай үргэлжилж байна гэж хэлж байгаа юм. Үүнээс харахад газар хөдлөлтийн дараа амьд үлдсэн байж болзошгүй хүмүүсийг олох найдвар багассаар байна. Туркийн Ерөнхийлөгч Режеп Тайип Эрдоган, газар хөдлөлтөд хамгийн их өртсөн өмнөд хэсгийн нутгуудад очиж нөхцөл байдалтай танилцах үеэрээ засгийн газрын авч хэрэгжүүлж буй хариу арга хэмжээ учир дутагдалтай байгааг хүлээн зөвшөөрчээ.
