Орон нутгийн сонгуультай холбоотой асуудлаар УИХ-ын дэд дарга, УИХ-ын гишүүн С.Одонтуяа мэдээлэл хийлээ.
Тэрбээр, “МАН-аас нэр дэвшигч А.Сэмжидмаа, Г.Гангамөрөн нарын сонгуулийн хар машиныг хакердах талаар үйлчилгээ авахаар ярьж буй маш ноцтой бичлэг гарсан. Мөн хэд хэдэн дүүрэг дээр мөнгө тарааж, сонгогчдын саналыг худалдан авах гэж байгаа асуудал цахим сүлжээгээр гарсан. Энэ нь үндсэн хуулийн 2 дахь хэсэгт заасан “Төрийн эрх мэдлийг хууль бусаар авахыг завдсан” хэсэгтэй таарч байна. Мөн эрүүгийн хуулийн зарим холбогдох зүйл заалтуудыг зөрчсөн гэж үзэж байна. Үүний дээр, маш олон царцаа нүүлгэж байна. Үндэсний аюулгүй байдал, иргэдийг амьдрахад ноцтой заналхийлж байгаа талаар мэдээлэл өгье.
“Программ чинь бүх юмаа зохицуулчихдаг юм. Та нар нэрсийн жагсаалтаа урьдчилаад өгчих, гар тооллоготой тэнцүүлж чаддаг юм” гэсэн хоёр хүний ярьсан маш ноцтой аудио байна. Харин машины дүн гараар хийх хяналтын тооллогын дүн хоёрыг мөргүүлэх тухай хоёр хүн хоорондоо дэлгэрэнгүй ярьжээ. Энэ нь төрийн эрхийг хууль бусаар авах ноцтой асуудал гэж үзэж байна. Өнгөрсөн УИХ-ын сонгуулиар үр дүнгээ сайн өгсөн гэжээ.
Нэг нам дангаар ноёрхож байгаа энэ үед Тагнуулын байгууллага ч хүчин мөхөстдөг юм байна.
Саяхан тагнуулын байгууллагын 11 хүн халагдсан нь өөрөө том эргэлзээг төрүүлж байгаа. 2016, 2020 оны УИХ-ын сонгуулийн дүнг шалгах шаардлагатай байна. Тусгай чиг үүрэгтэй байгууллагыг ч улс төрийн нөлөөнд автсан гэж үзэж байна. Энэ талаар СЕХ болон Үндэсний аюулгүй байдлын зөвлөлд шаардлага хүргүүлсэн” гэлээ.
БИЧЛЭГ | Б.СЭМЖИДМАА, Г.ГАНГАМӨРӨН НАР ХАР МАШИНЫГ ХАКЕРДАЖ СОНГУУЛЬ ЛУЙВАРДАХ ТАЛААР ЯРИЛЦЖЭЭ
БИЧЛЭГ: Б.СЭМЖИДМАА, Г.ГАНГАМӨРӨН НАР ХАР МАШИНЫГ ХАКЕРДАЖ СОНГУУЛЬ ЛУЙВАРДАХ ТАЛААР ЯРИЛЦЖЭЭ
Posted by chuhag.mn on Tuesday, October 13, 2020
