Дэлхий нийтэд тархаад буй коронавирусийн халдвараас хамгаалах, урьдчилан сэргийлэх чиглэлээр нийгмийн хариуцлагын хүрээнд “Хушхан” брэнд үйлдвэрлэгч “Норд Роуд” компани Сонгинохайрхан дүүргийн цагдаагийн алба хаагчдад хамгаалалтын хэрэгсэл болох 20000 ширхэг маск болон Хушхан брэндийн дээж 600 хайрцаг самар хандивлалаа.
Хушхан брэнд нь хуш модны самрыг үйлдвэрийн аргаар боловсруулж, эрүүл ахуйн шаардлага хангасан амт чанар сайтай бүтээгдэхүүнийг гаргаж, хэрэглэгчдийн гарт хүргэж эхлээд байгаа юм. Хуш модны самрын уурагт 19 төрлийн амин хүчил агуулагддаг бөгөөд уургийн дутагдлыг нөхөх, дархлааг сайжруулах зорилгоор хэрэглэдэг байна. Тиймээс дэлхий нийтийг хамарсан халдварт өвчний онцгой цаг үед ажиллаж буй цагдаагийн алба хаагчдын эрүүл мэнд, дархлааг дэмжихэд хуш модны самар тустай болохыг “Хушхан брэнд”-ийг үйлдвэрлэгч онцолж байсан юм.
