Цагаан сарын баярыг сурталчилах инфлүүсерийн багийг Монголд авч ирэхээр бэлдэж байна

БОАЖ-ын сайд Б.Бат-Эрдэнэ: 2023 онд аялал жуулчлалыг хөгжүүлэх суурь ажлыг бид хийж дууслаа. Мөн аялал жуулчлалын мэргэжлийн холбоог байгууллаа. БНХАУ-тай хил орчмын аялал жуулчлалын хэлэлцээрийг байгуулсан. Мөн хоёрдугаар сард өвлийн аялал жуулчлал, цагаан сарыг сурталчилах инфлүүсерүүдийн багийг авч ирэхээр бэлдэж байна. Нийт зургаан удаагийн багийг Монголдоо авч ирэхээр төлөвлөж байна. Монгол улсын талаарх мэдээлэл 500 орчим сая хүнд хүрсэн сайхан мэдээлэл байна. Өвлийн аялал жуулчлалыг хөгжүүлэхэд олон улсын болон орон нутгийн нислэгийн тарифыг хэвээр хадгалахаар төлөвлөж байна . Мөн бэлэн байгаа 110 баазын хүчин чадалыг нэмэгдүүлж, хөнгөлөлттэй зээл олгох шийдвэр гаргаж 55 тэрбумын хөнгөлөлттэй зээл олгоно. Мөн маркетингийн томоохон үйл ажиллагааг явуулахаар төлөвлөж байна. Үүнд боомтуудын цагийг уртасгахаар ЗГ-ын хуралдаанаар шийдвэрлэв.