Орос улс Ковид-19 вакцинжуулалтын хөтөлбөрөө эхлүүлж байгаа бөгөөд нийслэл Москва хотод байгаа хамгийн их эрсдэлтэй гэж үзсэн хүмүүсийг вакцинжуулж эхэлжээ. Уг вакцин тус улсад бүтээгдсэн Спутник V вакцин бөгөөд вакцин хөгжүүлэгчид нь 95 хувийн үр дүнг амлаж байгаа бөгөөд ямар нэг сөрөг үр дүн үзүүлэхгүй гэж мэдэгдэж байгаа юм. Мянга мянган хүмүүс вакцинд хамрагдахаар бүртгүүлээд байгаа ч Орос улс хичнээн хэмжээний бүтээгдэхүүн үйлдвэрлэх нь одоогоор тодорхойгүй байна. Ямартай ч үйлдвэрлэгчид жилийн эцэс гэхэд 2 сая тун вакцин хийх төлөвлөгөөтэй байгаа юм.
Орос улс халдварын батлагдсан тохиолдлоор дэлхийд 4-т бичигдэж байгаа бөгөөд 2.4 сая хүн халдвар авч, 42 мянга гаруй хүн нас бараад байгаа юм.
