Нийслэлийн удирдах ажилтны шуурхай зөвлөгөөн өнөөдөр/2021.03.29/ болж энэ үеэр нийслэлийн засаг дарга, иргэн бүр, аж ахуйн нэгж, байгууллагууд хариуцлагатай байж, халдвар хамгааллын дэглэмээ сайтар мөрдвөл хотын ажил, амьдрал тасалдахгүй, хатуу хөл хорио тогтоохгүй болохыг хэллээ.
Мөн энэ үеэр ирэх 4 дүгээр сард вакцинжуулалтыг эрчимжүүлэх төлөвлөгөөтэй байгааг онцлоод, Улаанбаатар хотын иргэдээ 5 дугаар сарын 5-н гэхэд вакцины эхний тунд хамруулж дуусч, 6 дугаар сарын 10-нд багтаж хоёр дахь тунг хийж, 6 дугаар сарын 20-ноос хойш Улаанбаатар хотын нийгэм, эдийн засгийн амьдрал шар түвшинд шилжиж, халдвар авах хүний тоо эрс багасах үзүүлэлтийг ДЭМБ болон холбогдох мэргэжлийн байгууллагаас өгч байгааг хэллээ.
