Сүүлийн өдрүүдэд цэргийн алба хаагчидтай холбоотой хэд хэдэн хэрэг гарсан нь олны анхаарлыг татаад байна. Хамгийн сүүлд гэхэд халагдахад долоо хоногийн хугацаа үлдээд байсан цэрэг амиа хорлосон харамсалтай хэрэг гарсан юм. Цэргийн албанд дүрмийн бус харилцаа үүсгэсэнтэй холбоотой зөрчлүүд ч цөөнгүй гарч олон нийтэд ил болоод байна.
Тиймээс Хүний эрхийн Үндэсний Комиссоос Хугацаат цэргийн алба хаагчийн эрх, эрх чөлөө зөрчсөн талаарх гомдол мэдээллийг хүлээн авах тусгай утас ажиллуулж эхэлжээ. 9205-0222, 7000-0222 дугаарын утсаар холбогдох хугацаат цэргийн алба хаагчдын эрхийн зөрчлийн асуудлаар гомдол, саналаа мэдээллэх боломжтой болсон байна.