Анх 1971 оны 12-аар сарын 12-ны өдөр ДБЭТ-ын тайзнаа Монгол Улсын хөдөлмөрийн баатар, Ардын жүжигчин Ц.Пүрэвдоржийн найруулгаар тоглогдож байсан "Шивээ хиагт" дуурийг 50 жилийн дараа шинэчилсэн найруулгаар үзэгчдийн хүртээл болох гэж байна.
Бидний ирээдүй залуу үеийнхэнд эх орон, тусгаар тогтнолын үнэ цэнийг мэдрүүлэх, эх оронч үзэл төлөвшүүлэхэд түүхэн ач холбогдолтой дуурийг “Улс тунхагласны баяр”-ын өдөр тайзнаа амилуулах юм.
1921 оны Ардын хувьсгалын түүхэн үйл явдлыг илэрхийлэн мөнхөлсөн хөгжмийн энэхүү томоохон бүтээл нь хөдөлмөрийн баатар, ардын жүжигчин хөгжмийн зохиолч Д.Лувсаншарав, ардын уран зохиолч Д.Пүрэвдорж нарын бүтээл юм.
