Монгол Улсын Ерөнхийлөгч У.Хүрэлсүхийг огцруулах асуудлыг УИХ-ын нэгдсэн чуулганаар хэлэлцэж үүрэгт ажлаас чөлөөлөгдөх хүсэлтийг нийт гишүүдийн 92.3 хувийн саналаар дэмжлээ. У.Хүрэлсүх Монгол Улсын Төрийн тэргүүний албан үүргийг 2021-2026 онд гүйцэтгэлээ. Тэрбээр чуулганд хэлсэн үгэндээ, "Айсан хүнд аргал хөдөлнө гэдгээр хулгай хийсэн хүмүүст дэглэм гэж харагдаад байна. Би дэг журам л тогтоох гэж ажилласан. Зарим нь шувуу болоод нисчихсэн. Миний хүч хүрэхгүй энэ хүрээд мухардаж байна. Шударга ёсны тэмцлийг ард түмэнтэйгээ хамт гудамж, талбайд нь үргэлжлүүлнэ" гэж онцоллоо.
Ирэх оны гуравдугаар сард Ерөнхийлөгчийн сонгуулийг зохион байгуулах хүртэл төрийн тэргүүний албан үүргийг УИХ-ын дарга С.Бямбацогт түр орлон гүйцэтгэх юм.
Ерөнхийлөгчийг үүрэгт ажлаас нь чөлөөлөхөөс татгалзсан 8 гишүүн
1. Н.Учрал-МАН
2. Ц.Идэрбат-МАН
3. Х.Ганхуяг-МАН
4. Х.Баасанжаргал-МАН
5. С.Лүндэг-МАН
6. С.Эрдэнэболд-АН
7. Р.Эрдэнэбүрэн-АН
8. М.Нарантуяа-Нара -ИЗНН
Сэтгэгдэл (0)