МУ-ын Ерөнхийлөгч У.Хүрэлсүх БНСВУ-д Төрийн албан айлчлал хийж байна. Энэ хүрээнд "Дипломат, албан, энгийн паспорт эзэмшигчдийг визийн шаардлагаас чөлөөлөх тухай Монгол Улсын Засгийн газар, Бүгд Найрамдах Социалист Вьетнам Улсын Засгийн газар хоорондын хэлэлцээр”-т Гадаад хэргийн сайд Буй Тань Сөнтэй гарын үсэг зурлаа.
Тус хэлэлцээрийг байгуулснаар хоёр Улсын энгийн паспорт эзэмшигчид 30 хүртэлх хоногийн хугацаанд харилцан визгүй зорчих нөхцөл бүрдэх чухал ач холбогдолтой.
Монгол улсын иргэд Вьетнам улс руу зорчихын тулд цахим виз мэдүүлж 30 хоногийн хугацаатай олгодог байсан бол уг хэлэлцээрийн үр дүнд виз мэдүүлэх шаардлагагүй болж байна.
