Улсын мэргэжлийн хяналтын газрын даргын 2003 оны 01 дүгээр сарын 10-ны өдрийн 10 дугаар тушаалаар Эрүүл мэндийн нэгдсэн лаборатори, Таримал ургамлын үр, хорио цээрийн лаборатори, Цацрагийн сорилтын лаборатори, Хөдөлмөрийн нөхцөлийн төвийг нэгтгэн УМХГ-ын нэгдсэн лаборатори болгон зохион байгуулав. Нийт 60 ажилтан албан хаагчидтай, бүтцийн 5 нэгжтэй үйл ажиллагаагаа явуулж эхлэв.
ХАБҮЛЛ-ийн ерөнхий захирлын үүргийг түр орлон гүйцэтгэгч О.Нандин-Эрдэнэ: Хуулийн хүрээнд хүнсний аюулгүйн үзүүлэлтүүдийг үзэхээс гадна үндэсний хэмжээний ур чадварын сорилтуудыг төр хувийн хэвшлийн бүх лабораторийн түвшинд зохион байгуулах, нэгдсэн мэдээллийн тогтолцоог бий болгох, мэргэжил арга зүйн зөвлөгөө өгөх үндсэн чиг үүрэгтэй. Мөн эрсдэлийг тодорхойлж, шинжлэх ухааны нотолгоог бий болгох чиглэлээр ажилладаг. Манай лаборатори 2024 оны 1 дүгээр улиралд багтааж багаж тоног төхөөрөмжийн шинэчлэлтийг хийхээр төлөвлөж байна. Ингэснээр пестицидийн үлдэгдэл, эмийн үлдэгдэл, хүнд металлыг 100 хувьтай тодорхойлох чадамжтай болно. Мөн нийтийг хамарсан хоолны хордлого, генийн өөрчлөлттэй хүнсний бүтээгдэхүүн байгаа эсэх дээр хяналт тавих, ДНХ-н түвшинд судалдаг тоног төхөөрөмжүүдийн шинэчлэлийг МУЗГ-аас хийж өгөхөөр төлөвлөгдсөн байгаа." гэлээ.
