Ахмад жүжигчин О Ён Сү 2017 онд бэлгийн хүчирхийлэл үйлдсэн хэргээр найман сарын хорих, хоёр жилийн тэнсэн харгалзах ял сонслоо. Мөн түүнийг бэлгийн хүчирхийлэгчийг эмчлэх 40 цагийн хөтөлбөрт хамруулах шүүхийн шийдвэр гарчээ. Тэрээр 2017 онд орон нутагт ажиллах үеэрээ нэгэн эмэгтэйг хүчээр тэвэрч, үнсэх үйлдэл гаргаж байжээ.
Тэрээр шүүх хурлаас гарч явах үеэрээ, шүүхийн шийдвэрийг эсэргүүцэж байгаагаа илэрхийлээд давж заалдана гэдгээ хэлсэн байна.
Өдгөө 80 настай жүжигчин О Ён Сү нь ‘’Squid game’’ цувралын О Ил Намын дүрээр 2022 оны Алтан бөмбөрцгийн шагнал хүртэж байсан юм.
