Сүүлийн 5 жилийн хугацаанд 15300 орчим обьектын гал түймрийн дуудлага мэдээлэл Онцгой байдлын газарт бүртгэгджээ. Гал түймэрт 247 иргэн түлэгдэж, 310 иргэн өртөж нас барсан харамсалтай мэдээлэл бий.
Объектын гал түймрийн 60 гаруй хувь нь аймаг, орон нутагт, 40 орчим хувь нь Улаанбаатар хотод гарчээ. Нийслэлд бүртгэгдсэн объектын гал түймрийн 70% орчим нь гэр хороололд гарсан байна.
Бүртгэгдсэн гал түймрийн 80 орчим хувь нь иргэдийн хувийн өмч хөрөнгө, хашаа, орон сууц, гэрт гарчээ. Шалтгааны хувь 53 орчим хувь нь санамсар болгоомжгүй байдлаас гарсан бол 36 орчим хувь нь цахилгаантай холбоотойгоор гарсан байна.
Лаа, шүдэнзний гал, үнс, нурамаас үүдэлтэй болон пийшин зуух, яндангийн цонолт, гагнуур, хүүхдийн санамсар болгоомжгүй байдлаас үүдэлтэй санамсаргүй байдлаар гал гарах тохиолдол цөөнгүй байна. Мөн цахилгаан хэрэгслийг буруу хэрэглэх, гэмтэлтэй техник хэрэгсэл ашиглах зэргээс шалтгаалж объектын гал түймрийн шалтгаан нөхцөл бүртгэгдсэн дүнтэй байна.
Үүний дээр Улаанбаатар хотод гарч байгаа объектыг гал түймрийн 70 орчим хувь нь гэр хороололд буюу монгол гэрт гарсан гэх мэдээлэл байна. Байшин хорооллын тухайд гал түймрийн 50 орчим хувь нь хогийн бункерт гарчээ.
