Улаанбаатар -Дархан чиглэлийн замд үзэгдэх орчин хязгаарлагдсан тул зорчихгүй байхыг анхааруулав

Улаанбаатар-Дархан чиглэлийн авто замын Хар модотын даваа, Баянчандмань сум, Тахилтын даваа орчимд их хэмжээний цасан шуургатай, Баруун хараа-Дарханы хооронд хүчтэй салхи, шуургатай байгаа тул зам дээр халтиргаа гулгаа үүссэн, тээврийн хэрэгслийн хөдөлгөөнд ноцтой сөрөг нөхцөл байдалтай байна. Цаг агаарын хүндрэлтэй байдлаас үүдэн үзэгдэх орчин хязгаарлагдмал болж замын зорчих хэсэгт халтиргаа гулгаа үүссэн нөхцөл байдалтай байгаа тул иргэд, зорчигч та бүхэн: Тохиромжтой хурдыг сонгож хөдөлгөөнд оролцох Хоорондын зайг зөв сонгож хөдөлгөөнд оролцох Хөдөлгөөн эхлэх, чиглэл өөрчлөх үйлдэл бүртээ байрлалаа зөв сонгох Халтиргаатай, аюул бүхий хэсгүүдэд гүйцэж түрүүлэх үйлдлийг хийхгүй байх Цонхны арчуур, цан үлээгүүрийн бүрэн бүтэн байдлыг хангаж явах Техникийн бүрэн байдлыг сайтар хангаж хөдөлгөөнд оролцох Зайлшгүй зогсолт хийх тохиолдолд бусдад анхааруулга өгөх, аюулгүй байдлаа бүрэн хангаж байх Онцын шаардлагагүй бол тухайн чиглэлийн замд гарахгүй байхыг зөвлөж байна.