Анагаахын чиглэлээр олон улсын олимпиад боллоо

АШУҮИС-ийн Био-Анагаахын сургууль, Гистологийн тэнхимээс анх удаа “Гистологийн Олон Улсын Анхдугаар Олимпиад”-ыг 2024 оны 6-р сарын 24-ний өдөр Улаанбаатар хотноо амжилттай зохион байгууллаа. Тус олимпиад нь 2 үе шаттай явагдсан бөгөөд нэгдүгээр шат нь тавдугаар сарын 24-ний өдөр цахимаар зохион байгуулагдаж хоёрдугаар шат нь зургаадугаар сарын 24-ний өдөр “Бэлдмэл таних, нэрлэх, үүргийг тайлбарлах” болон “Тохиолдол ажиллах” гэсэн хоёр хэсэгтэйгээр зохион байгуулагдав. Олон улсын олимпиадын шүүгчээр: - АУ-ны доктор, профессор Д.Цолмон - АУ-ны магистр, Гистологийн тэнхимийн багш С.Чимэгсайхан - АУ-ны магистр, Гистологийн тэнхимийн багш С.Оюунгэрэл нар ажиллалаа. Олимпиадын дүнгээр: 1-р байранд: - Александр Климов /ОХУ/ 2-р байранд: - Ш.Жамсранжамц /Монгол/ - Г.Хонгорзул /Монгол/ 3-р байранд: -   Мария Коцепуа /ОХУ/ - Б. Ган-Эрдэнэ /Монгол/ - О. Хүслэн /Монгол/ нар тус тус шалгарлаа. Олимпиадыг зохион байгуулсан Гистологийн тэнхимийн багш нар болон HESC клубын хамт олонд талархал илэрхийлэн нийт оролцсон оюутнууддаа цаашдын сурлага хөдөлмөрийн өндөр амжилтыг хүсье.