"Ялтай эрх чөлөө" хэлэлцүүлэг болов

УИХ дахь Ардчилсан намын бүлгээс  "Ялтай эрх чөлөө" хэлэлцүүлгийг  төрийн ордонд зохион байгууллаа. Хэлэлцүүлэгт  Монголын Сэтгүүлчдийн нэгдсэн эвлэл, сэтгүүл зүйн салбарын иргэний нийгмийн байгууллагууд , хэвлэл мэдээллийн байгууллагуудын төлөөлөл оролцсон юм.   Хэлэлцүүлгийн гол сэдэв Эрүүгийн хуулийн 13.14 дэх зүйл заалтаар сэтгүүлчийг яллаж, хэвлэн нийтлэх эрх чөлөөнд нь халдаж буй асуудал. Энэ хүрээнд хэлэлцүүлэгт оролцогчид санал солилцож, 13.14 худал мэдээлэл тараах зүйл заалтыг эрүүгийн хуулиас авч иргэний журмаар шийдэх асуудлыг оролцогчид хөндлөө. Эрүүгийн хэргийн шийдвэрлэлт /13.14 дэх зүйл заалт / 2020-2023он, 2024 оны эхний найман сарын хугацаанд нийт шалгасан 828 эрүүгийн хэргийн 548 буюу 66.2 хувийг шийдвэрлэсэн байх бөгөөд шийдвэрлэсэн байдлаар нь авч үзвэл: -408 буюу 74.5 хувийг хэрэг бүртгэлтийн хэрэг хааж /хэрэгсэхгүй болгох/ -108 буюу 19.7 хувийг шүүхэд шилжүүлэх -32 буюу 5.8 хувийг эрүүгийн хэрэгтэй нэгтгэж тус тус шийдсэн байна.