АЙМГИЙН ЗАСАГ ДАРГА С.МӨНХЧУЛУУН СУМДЫН УДИРДЛАГУУДТАЙ УУЛЗАЛТ ХИЙЛЭЭ

Өнөөдөр аймгийн Засаг дарга С.Мөнхчулуун болон аймгийн удирдлагууд сумдын Засаг дарга нартай цаг үеийн ажлын талаар уулзалт хийн, үүрэг чиглэл өглөө. Орон нутгийн сонгуулийн үр дүнд Баянжаргалан, Дэлгэрцогт, Луус, Сайнцагаан сумдын Засаг дарга нар улиран сонгогдож, 11 сумын Засаг даргыг шинээр томилсон юм. Уулзалтын үеэр аймгийн Засаг дарга С.Мөнхчулуун сумдын удирдлагуудад нэг баг болон төрийн бодлогыг үнэн зөв хэрэгжүүлж, аймаг, орон нутгаа хөгжүүлэх, ард иргэдийн төлөө үнэнч, шударга ажиллахыг үүрэг болгов. Нэн тэргүүнд ОНХС-ын хөрөнгө оруулалтыг иргэдээс ирсэн саналын дагуу гудамж талбайн гэрэлтүүлэг, хогийн асуудал, авто зам зэрэг дэд бүтцэд чиглүүлэх ажлыг зохион байгуулах чиглэл өглөө. Мөн цаг үеийн асуудлаар өвөлжилтийн бэлтгэл, бэлэн байдлыг хангах ажлыг эрчимжүүлэх, улсын хэмжээнд явагдаж буй 2024 оны мал, тэжээвэр амьтдын тооллогыг зохион байгуулалтаар хангах, 2025 оны төсвийн төслийг бэлтгэх зэрэг ажлыг хэлэлцсэн байна. Цаашид сумдын багуудын сүлжээний асуудал, өвсний агуулах, туулах чадал сайтай техникийн асуудлыг үе шаттайгаар шийдвэрлэхээ онцолсон юм.