Багш, сурагчдыг масктай хичээллэх чиглэл өгчээ

Ерөнхий боловсрол сургууль, их дээд сургуулийн хоёрдугаар улирлын хичээл эхэлсэнтэй холбоотойгоор боловсролын ерөнхий газраас чиглэл хүргүүлжээ. Тодруулбал, ханиад томуугийн тархалттай холбоотойгоор бүх түвшний боловсролын сургалтын байгууллагуудыг амны хаалт тогтмол зүүх чиглэл өгчээ. Хүйтний эрч нэмэгдэхээс гадна танхимын сургалт эхэлснээр амьсгалын замын халдвар нэмэгддэг тул Боловсролын яам Эрүүл мэндийн яамтай хамтран ерөнхий боловсролын сургууль, сургуулийн өмнөх боловсролын байгууллагуудад томуу, томуу төст өвчнөөс урьдчилан сэргийлэх чиг үүрэг бүхий ажлын хэсэг байгууллаа.