32 мянган зуухыг гэр хорооллын айлуудад тараахыг зогсоожээ

“Агаарын бохирдлыг бууруулах хүрээнд утааны асуудлаарх бодлого, шийдвэрийн хэрэгжилтийн үр дүн, шийдэл” ерөнхий хяналтын сонсгол хоёр дахь өдрөө үргэлжилж байна. Энэ үеэр сонсгол даргалагч Ж.Чинбүрэн, утааны эсрэг явж буй хэлэлцүүлгийн үр дүнд Нийслэлээс 32 мянган зуухыг гэр хорооллын айлуудад тараахыг зогсоосон. Энэ нь сонсголын том үр дүн, нөлөөллийн ажил болж байна гэлээ. Эргэн сануулахад, Нийслэлийн Засаг даргын Нийгмийн салбар, ногоон хөгжил болон агаар орчны бохирдол хариуцсан орлогч А.Амартүвшин, "Нийслэлээс 32 мянган зуух авахаар тендер зарласан. Агаар орчны бохирдлыг бууруулахаас илүү угаарын эрсдэлийг, нүүрс түлж буй иргэд угаартаж буй тохиолдлыг бууруулах зорилгоор энэ ажлыг хийж байна"гэж байсан юм.