Гурван хүн тутмын нэг нь зүрх судасны өвчнөөр нас барж байна

Жил бүр 9 дүгээр сарын 29-ний өдрийг дэлхийн "Зүрхний өдөр" болгон тэмдэглэж өнгөрүүлдэг уламжлалтай. Энэ жил тус өдрийг “Don’t miss a beat” уриан дор тэмдэглэн өнгөрүүлж байна.  Энэ өдрийг дэлхийн бүх иргэд өдөр тутамдаа хийдэг зүйлсээсээ түр амсхийж өөрийн болон ойр дотны хүмүүсийнхээ зүрх судасны эрүүл мэндэд анхаарч санаа тавих, зүрхээ эрүүл байлгахын төлөө ямар алхам хийх хэрэгтэйг сануулан, илүү ухаалаг сонголтууд хийж хайртай хүмүүстэйгээ урт удаан, илүү аз жаргалтай амьдрахыг уриалдаг өдөр юм.

Монголчуудын нас баралтын тэргүүлэх шалтгааны нэг нь зүрх судасны өвчин болоод байна. Гурван хүн тутмын нэг нь зүрх судасны өвчнөөр нас барж байна.

Зүрх судасны өвчлөлөөс урьдчилан сэргийлэх зөвлөмж:

1. Цусны даралтаа тогтмол хэмжих
2. Тамхинаас татгалзах
3. Архи согтууруулах ундааны хэрэглээг хязгаарлах
4. Давсны хэрэглээгээ бууруулах
5. Жимс, хүнсний ногоо тогтмол хэрэглэх
6. Ханасан өөх тос хэрэглэхээс зайлсхийх
7. Өдөр бүр дасгал хөдөлгөөн хийх