Солонгос улсад докторын зэрэг хамгаалсан эрдэмтэн, судлаачдын чуулга уулзалт болно

Солонгос Улсад докторын зэрэг хамгаалсан монгол эрдэмтэн, судлаачдын мэдлэг туршлагаа хуваалцах, хамтын ажиллагааг өргөжүүлэх, шинэлэг санаачлагыг дэмжих зорилготой “K-PhD FORUM 2025” чуулга уулзалт зохион байгуулагдах гэж байна.

Энэхүү арга хэмжээ нь Монгол Улс болон Бүгд Найрамдах Солонгос Улсын хамтын ажиллагааны ололт амжилтыг дүгнэж, цаашдын хамтын ажиллагааны чиг хандлага, боломжуудыг эдийн засаг, боловсрол, шинжлэх ухаан, технологийн салбар дахь оролцоог нэмэгдүүлэх зорилго дор “Project 6”-г хэрэгжүүлэхэд чиглэх юм. 

Мөн Солонгосын Элчин сайдын яам, Монгол–Солонгосын холбогдох төрийн болон ТББ-ууд, бизнесийн төлөөлөл, үе үеийн доктор төгсөгчид оролцож, харилцаа, хамтын ажиллагааг өргөжүүлэх, сүлжээ бий болгох боломжийг бүрдүүлэх зорилготой болохыг зохион байгуулагчид хэлж байна. Чуулга уулзалтад ирснээр докторын зэрэг хамгаалсан эрдэмтдийн сонирхолтой судалгааны үр дүн, илтгэлүүдийг хүргэхийн зэрэгцээ оролцогчид шинэ санаачилга, түншлэл үүсгэх таатай боломжтой гэв. 

Чуулга уулзалт ирэх 11 дүгээр сарын 8-ны өдөр 15:00 цагаас Seoul Restaurant-д болох юм. 

Холбогдох: Солонгост Сургууль Төгсөгчдийн Холбоо (MAGIKO)
утас 9910–9012