​ Утаагүй тамхины татвар дэлхийн дунджаар янжуурынхаас 50 хувь бага байдаг

Өндөр хөгжилтэй орнууд багтдаг Эдийн засгийн хамтын ажиллагаа, хөгжлийн байгууллага (OECD)-ын гишүүн орнууд зэрэг 70 гаруй улсад халаадаг тамхины онцгой албан татварыг янжуураас багаар тогтоох замаар утаат тамхийг хэрэглээнээс түрж, зөвшөөрөгдсөн тамхины цэгүүдийн ихэнх нь зөвхөн утаагүй тамхинд зориулагдах болсон байна. Технологи шингээсэн гэдэг утгаар үйлдвэрлэлийн өртөг өндөр байдгийг харгалзан утаагүй бүтээгдэхүүнийг татварын бодлогоор уян хатан зохицуулж хэрэглэгчдэд хор багатай сонголтыг зөвшөөрч байна гэсэн үг. Халаадаг тамхин бүтээгдэхүүн болон янжуурт ногдуулж буй татварын ялгаа дэлхийн хэмжээнд дунджаар 50%, Эдийн засгийн хамтын ажиллагаа, хөгжлийн байгууллагын гишүүн орнуудад 56%, Европын Холбоонд 60% байна. Тухайлбал, Австри 72%, Дани 80%, Канад 60%, Нидерланд 76%, Польш 73%, Чех 78%, Швед 71%, Швейцар 78%, Шинэ Зеланд 83 хувиар бага татвартай байна. Монголд Тамхины хяналтын тухай хуульд нэмэлт өөрчлөлт оруулах хуулийн төслийг нэр бүхий гишүүд УИХ-д өргөн барьсан ба утаагүй тамхин бүтээгдэхүүний татварыг янжуур тамхиныхтай яг адил тогтоохоор төсөлд тусгасан байгаа тул эрүүл мэндэд хор багатай сонголтууд янжуураас илүү өндөр үнээр худалдаалагдах нөхцөл үүсэж байна. Нэг үгээр бол инновацыг эдийн засгийн аргаар хавчиж, янжуурын зах зээлийг бэхжүүлэх зорилготой хууль гарах нь тодорхой байна