Гэрээгээр ажиллаж буй хүмүүст ур чадвартай ажилчны виз рүү хөрвүүлэх талаар мэдээлэл өгчээ
БНСУ дахь Хөдөлмөр, нийгмийн хамгааллын үйлчилгээний төвөөс Хөдөлмөрийн гэрээт ажилчдын ажлын байранд очиж нөхцөл байдалтай нь танилцжээ. Тус төв нь хөдөлмөр эрхлэх зөвшөөрлийн тогтолцооны хүрээнд БНСУ-д хөдөлмөрийн гэрээгээр ажиллаж буй иргэдийн ажлын байрны нөхцөл байдалтай танилцан, тулгамдсан асуудал санал хүсэлтийг нь сонсож, шийдвэрлэн ажилладаг байна.
Энэ хүрээнд өнөөдөр /2025.11.05/ Гёнги аймагт байрлах метал боловсруулах үйлдвэрт ажиллаж буй 18 хөдөлмөрийн гэрээт ажилчинтай уулзаж хөдөлмөрийн харилцаа, нийгмийн даатгалын асуудлаар зөвлөгөө мэдээлэл өгөв. Түүнчлэн суугаа орны хууль тогтоомжийг мөрдөн ажиллах, солонгос хэлний мэдлэгээ дээшлүүлэх, визний ангиллаа ур чадвартай ажилчны виз рүү хөрвүүлэх талаар мэдээлэл өгч, сурах бичиг гарын авлага хүргэсэн.
Уулзалтын төгсгөлд тус компанийн удирдлагуудад олон Монгол иргэнийг ажлын байраар хангаж, хөдөлмөрийн аюулгүй ажиллагааг мөрдөн ажиллаж байгаад талархал илэрхийлж, цаашид хамтран ажиллахыг хүсчээ.
Сэтгэгдэл (0)