Төв, Хэнтий, Дорнодын нутгаар цас орж, цасан шуурга шуурна

10 хоногийн урьдчилсан төлөв 2025 оны 11 дүгээр сарын 07-ноос 11 дүгээр сарын 17-ныг хүртэлх

10 хоногийн цаг агаарын урьдчилсан төлөв: 07-08-нд шилжих шөнө Төв, Хэнтий, Дорнодын нутгаар цас орж, цасан шуурга шуурна.

Хур тунадас: 07-нд баруун аймгуудын нутгийн баруун, төв болон говийн аймгуудын нутгийн зүүн, зүүн аймгуудын ихэнх нутгаар, 08-нд төвийн аймгуудын нутгийн зүүн, зүүн аймгуудын нутгийн хойд болон зүүн хэсгээр, 10, 13-нд баруун аймгуудын нутгийн баруун хэсгээр, 11-нд баруун аймгуудын нутгийн зүүн хэсэг, төвийн аймгуудын ихэнх нутгаар, 12, 15-нд төвийн аймгуудын нутгийн зүүн хэсэг, зүүн аймгуудын ихэнх нутгаар, 14-нд баруун аймгуудын нутгийн зарим газар, төвийн аймгуудын ихэнх нутгаар, 16-нд төвийн аймгуудын нутгийн хойд, зүүн аймгуудын нутгийн зүүн хэсгээр цас орж, цасан шуурга шуурна.

Салхи: Ихэнх нутгаар секундэд 6-11 метр, 10, 13-нд Алтайн уулархаг нутгаар, 11, 14-нд нутгийн төв хэсгээр, 12, 15-нд говь, талын нутгаар секундэд 16-18 метр хүрч ширүүснэ.

Агаарын температур: Ихэнх нутгаар хүйтэрч Алтай, Хангай, Хөвсгөлийн уулархаг нутаг, Хүрэнбэлчир, Идэр, Тэс голын хөндийгөөр шөнөдөө -24...-29 градус, өдөртөө -10...-15 градус, Алтай, Хэнтийн уулархаг нутаг, Туул, Тэрэлж голын хөндийгөөр шөнөдөө -16...-21 градус, өдөртөө -6...-11 градус, говийн бүс нутгийн өмнөд хэсгээр шөнөдөө -1...-6 градус хүйтэн, өдөртөө +2...+7 градус дулаан, бусад нутгаар шөнөдөө -9...-14 градус, өдөртөө -1...-6 градус хүйтэн байна.

Улаанбаатар хот орчмын 10 хоногийн цаг агаарын урьдчилсан төлөв

Хур тунадас: 08-нд ялимгүй цас, 11, 14-нд цас орно.

Салхи: Ихэнх хугацаанд секундэд 5-10 метр. 11, 14-нд баруун өмнөөс хойш эргэж секундэд 12-14 метр хүрч ширүүснэ.

Агаарын температур: Хугацааны эхээр шөнөдөө Яармаг-Сонгины орчмоор -15...-20 градус, бусад хэсгээр -9...-14 градус, өдөртөө 0...-5 градус хүйтэн байна. 15, 16-нд хүйтэрч шөнөдөө Яармаг-Сонгины орчмоор -20...-25 градус, бусад хэсгээр      -15...-20 градус, өдөртөө -8...-13 градус хүйтэн байна.