Томуу ихтэй сургуулиудын 1-5 ангийн сурагчдыг даваа гарагаас цахимаар хичээллэнэ

Томуу, томуу төст өвчний дэгдэлтийн пик үе нь 51 дэх долоо хоног буюу сурагчдын амралт эхэлсэн хойно болох тооцоолол гарсан. Хүндрэл ихтэй өвчлөл хэт тархах буюу их нэрвэгдэх эрсдэлтэй байна. Тархалтыг урьдчилан бууруулан намжаахын тулд сурагчдын өвлийн амралтыг хоёр долоо хоногийн өмнө байхаар тохируулах саналыг ЭМЯ-наас гаргасан. Уг асуудлыг Засгийн газрын хуралдаанаар хэлэлцсэн юм. 

Тэгвэл өнөөдөр Боловсролын сайд П.Наранбаяр томуу ихтэй сургуулиудын 1-5 ангийн сурагчдыг цахимаар хичээллүүлэх шийдвэрийг танилцууллаа.