Хэнтий аймгийн засаг дарга Д.Аюурбунь Гурванбаян тосгонд ажиллаж байна

Гурванбаян тосгонд үүссэн нөхцөл байдалтай холбогдуулан аймгийн Засаг дарга Д.Аюурбунь газар дээр нь ажиллаж байна.

 2025 оны 8 дугаар сарын 7-ны өдрийн 18 цагийн үед хүчтэй аадар бороо 15-20 минут орчим үргэлжлэн орсны улмаас 7-н айлын гэр нурж 30 гаруй айл өрх аж ахуй нэгж байгууллагын хашаа, уурын зуухны дээвэр, хана нурсан хохиролууд үүсээд байна. Мөн цахилгааны утас тасарсны улмаас сүлжээнд хязгаарлалт үүсэж, зарим хэсэгт тог тасарсан байдалтай байна.

Үүссэн нөхцөл байдал холбогдуулан Хэнтий аймгийн Засаг дарга Д.Аюурбунь болон аймгийн онцгой байдлын газрын албан хаагч, эрчим хүчний хяналтын улсын байцаагч, Ус, цаг уур, орчны шинжилгээний газрын төлөөлөл газар дээр нь ажиллаж байна. Нөхцөл байдлыг үнэлэн, шаардлагатай арга хэмжээг шуурхай авч хэрэгжүүлэх үүргийг холбогдох албаныханд өглөө.

 Мөн үеэр аймаг, орон нутгийн зүгээс боломжит тусламж, дэмжлэгийг шат дараатайгаар авч хэрэгжүүлэхээ илэрхийлээ.