18, 19-нд нутгийн хойд хэсгээр, 20, 21-нд нутгийн зүүн хагаст бороо орж, сэрүүснэ

2026 оны 07 дугаар сарын 13-наас 07 дугаар сарын 22-ныг хүртэлх 10 хоногийн цаг агаарын урьдчилсан төлөв: Ойрын өдрүүдэд ихэнх нутгаар дулаарах боловч, 18, 19-нд нутгийн хойд хэсгээр, 20, 21-нд нутгийн зүүн хагаст бороо орж, сэрүүснэ.

 Хур тунадас:

14-нд Хэнтийн уулархаг нутаг болон Дорнод-Дарьгангын тал нутгаар,

15-нд Монгол-Алтай, Хангай, Хөвсгөлийн уулархаг нутгаар,

16-нд Алтай, Хангайн уулархаг нутаг болон Увс нуурын хотгороор,

17-нд баруун болон төвийн аймгуудын нутгийн зарим газар, говийн аймгуудын нутгийн баруун хэсгээр,

18-нд баруун болон говийн аймгуудын нутгийн зарим газар, төвийн аймгуудын ихэнх нутаг, зүүн аймгуудын нутгийн хойд хэсгээр,

19-нд баруун аймгуудын нутгийн хойд хэсэг, төвийн аймгуудын ихэнх нутаг, говийн аймгуудын нутгийн хойд болон зүүн, зүүн аймгуудын өмнөд хэсгээр,

20-нд нутгийн зүүн хагаст,

21-нд зүүн аймгуудын нутгаар,

22-нд нутгийн зүүн хэсгээр бороо, дуу цахилгаантай аадар бороо орно.

Салхи:

Ихэнх хугацаанд ихэнх нутгаар секундэд 5-10 метр, борооны өмнө салхи түр зуур ширүүснэ.

Агаарын температур: Ихэнх нутгаар дулаарч Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Тэрэлж голын хөндийгөөр шөнөдөө +4...+9 градус, өдөртөө +18...+23 градус, Их нууруудын хотгор болон говийн бүс нутгийн өмнөд хэсгээр шөнөдөө +19...+24 градус, өдөртөө +31...+36 градус, говийн бүс нутгийн хойд хэсгээр шөнөдөө +15...+20 градус, өдөртөө +28...+33 градус, бусад нутгаар шөнөдөө +10...+15 градус, өдөртөө +23...+28 градус дулаан байна. 19-нөөс нутгийн хойд хэсгээр бага зэрэг сэрүүснэ.

Улаанбаатар хот орчмын 10 хоногийн цаг агаарын урьдчилсан төлөв

Хур тунадас: 19, 20-нд бороо орно. Дуу цахилгаантай.

Салхи: Ихэнх хугацаанд секундэд 5-10 метр, борооны өмнө салхи түр зуур ширүүснэ.

Агаарын температур: 14-нөөс 19-нд дулаарч шөнөдөө +10...+15 градус, өдөртөө +23...+28 градус, 19, 20-нд бага зэрэг сэрүүсэж, шөнөдөө +8...+13 градус, өдөртөө +18...+23 градус дулаан байна.