Төрийн банк сарын 1.3 хувийн хүүтэй эмэгтэйчүүдийг дэмжих зээл гаргалаа

Төрийн банк эх орондоо баялаг бүтээж байгаа эмэгтэйчүүдээ дэмжих зорилгоор бизнес эрхлэгч эмэгтэйчүүдийг дэмжих зээлийг бага хүүтэйгээр та бүхэндээ санал болгож байна. Төрийн банкнаас харилцагчдынхаа санхүүгийн чадамжийг сайжруулах, амьжиргааны түвшинг дээшлүүлэх зорилгоор зээлийн хүүгээ шат дараатай бууруулж байгаа бөгөөд энэ удаа тэтгэврийн зээлийн нөхцөлөө шинэчилж, Бизнес эрхлэгч эмэгтэйчүүдийг дэмжин харьцангуй бага хүүтэй зээлийн үйлчилгээг өөрийн эх үүсвэрээр санхүүжүүлэн зах зээлд нэвтрүүллээ. Бизнес эрхлэгч эмэгтэйчүүдийг дэмжих зээлийн хувьд хувиараа бизнес эрхэлж байгаа болон эмэгтэйчүүд байгуулсан хуулийн этгээд /компани, нөхөрлөл, хоршоо/-ийн эргэлтийн хөрөнгө, хөрөнгө оруулалтыг санхүүжүүлэхэд зориулан 24 хүртэлх сарын хугацаатай, сарын 1.3 хувийн хүүтэйгээр 50 хүртэл сая төгрөгийн зээл олгох ажээ. Төрийн банкнаас зээлийн хүүг бууруулах арга хэмжээг шат дараатай авч байгаа бөгөөд өнгөрсөн дөрөвдүгээр сард 11 төрлийн зээлийн хүүгээ бууруулсан юм. Мөн Төрийн банкнаас хэрэглээний болон цалингийн зээлийн хүүгээ шат дараатай бууруулж эхлээд байна. Дэлгэрэнгүй мэдээллийг Төрийн банкны www.statebank.mn цахим хуудас, www.facebook.com/StatebankMN/  фэйсбүүк хуудас болон 1800-1881 лавлах утсаар авна уу.