Энэ сард НӨАТ-ын 3-р улирлын буцаан олголтыг олгоно

Татварын хуульд оруулсан нэмэлт, өөрчлөлтөөр НӨАТ-ын буцаан олголтын урамшууллыг улирал тутам олгож байгаа. Энэ дагуу I улирлын буцаан олголтыг дөрөвдүгээр сард, II улирлын буцаан олголтыг долдугаар сард, 3-р улирлын буцаан олголтыг аравдугаар сард, 4-р улирлын буцаан олголтыг дараа оны нэгдүгээр сард багтаан иргэдэд олгогдож байна. Гурав дугаар улирлын буцаан олголтыг энэ  сард багтаан иргэдийн данс руу шилжүүлэх талаар татварын байгууллагаас мэдээлж байна. Эхний улирлын буцаан олголтод 860 мянган иргэн хамрагдаж, 40 тэрбум төгрөгийн буцаан олголт авчээ. Харин II улиралд 901 гаруй мянган иргэн 38.2 тэрбум төгрөг авсан байна.  Н эг хүн дунджаар 47 мянган төгрөгийн буцаан олголт авдаг тухай тооцоог Сангийн яам хийсэн байна. Түүнчлэн НӨАТ-ын баримт олгохгүй ААН-ийн мэдээллийг иргэд 1800-1288 утсанд мэдээлэх үүрэгтэй юм.