Маскаа зүүж, гараа угаахыг уриалж байна

Шинэ коронавирус Ковид-19 халдвар гадаад улс орнуудад дахин давалгаалан тохиолдлын тоо хурдтай өссөөр байна.  Хамгийн сүүлийн статистикаар нэг сая нэг зуун мянган хүн шинэ төрлийн коронавирусийн халдвараар амиа алдсан гэсэн тоо баримт байна. Орос, Франц, АНУ зэрэг өндөр хөгжилтэй их гүрнүүдэд тахлын аюул нүүрлэсээр байна. Ялангуяа хөрш зэргэлдээ ОХУ-д тархалт маш их байгаа нь эрсдлийг улам бүр нэмэгдүүлж байна. Харин Монгол улсын хувьд  одоохондоо нөхцөл байдал харьцангуй тайван байгаа ч сэрэмж алдаж болохгүй юм. Өөрөөр хэлбэл сүүлийн үед хүйтний эрч нэмэгдэж буйтай холбоотойгоор ханиад томуугийн тохиолдол нэмэгдэж байгаа бөгөөд амны хаалт зүүхгүй байх нь эрсдлийг улам бүр нэмэгдүүлж байгаа юм. Тиймээс иргэд амны хаалтаа зүүж, гараа сайтар угааж байхыг мэргэжлийн байгууллагууд зөвлөж байна.