1800-0119 ДУУДЛАГЫН ТӨВД ХҮҮХДИЙН ЭМЧ НАР 24 ЦАГААР АЖИЛЛАЖ ЗӨВЛӨГӨӨ ӨГЧ БАЙНА

НЭМҮТ -д байрлаж буй “1800-0119” цаг бүртгэлийн нэгдсэн систем, дуудлагын төв дээр хүүхдийн эмч нар 24 цагаар ажиллаж Томуу томуу төст өвчний талаар мэдээлэл, зөвлөгөө өгч байна. 2020 оны 10 сарын 01-ний өдрөөс эхлэн томуу, томуу төст өвчний зөвлөгөө мэдээлэл 1800-0119 утас хоёр шугамаар 24 цагийн турш ажиллаж эхэлсэн. Дээрх утсан дээр хүүхдийн нарийн мэргэжлийн эмчээр ахлуулсан 10 эмч томуу, томуу төст өвчин, томуугийн дархлаажуулалт, хүүхдийн асаргаа, сувилгаа, хооллолтын талаарх зөвлөгөөг өгч байгаа тул иргэн та энгийн ярианы тарифаар 24 цагийн турш зөвлөгөө мэдээлэл авах боломжтой. Эмнэлэгт үзүүлэх цаг захиалгын 1800-0119 дугаарт мөн хөдөө орон нутгаас холбогдож цаг захиоах боломжтой болж байгаа юм. Иргэд хөдөө орон нутгаас захиалсан цагтаа ирж үйлчлүүлдэг, ажлаа төлөвлөөд зохицуулах боломжтой болох аж. 2020 оны 10 сарын 28-ны өглөөний 09.00 цагийн байдлаар 1800-0119 дугаарт  2780 дуудлага холбогдож амбулаторын цаг захиалжээ. Үүнээс 1703 нь цаг захиалж,  356 дуудлага зөвөлгөө, мэдээлэл авчээ.