Хүйтний улиралд толгой нүцгэн явснаас мэдрэлийн суурь өвчин үүсэх эрсдэлтэй

Өвлийн улиралд малгайгүй явснаас олон эрсдлүүд үүсдэг байна. Хүний уураг тархинд нэг минутад ойролцоогоор 750 мл (зүрхнээс тархи руу урсах цусны 15%) цус урсан тэжээлээр хангадаг бол хүйтний улиралд даарах тохиолдолд биеийн дулаанаа алдаж, улмаар гүрээний судас нарийсч, цусны урсгалын хурд удааширснаар тархины цусан хангамж мууддаг байна. Улмаар дараах эрүүл мэндийн сөрөг нөлөөг үзүүлдэг байна. Архаг өвчин сэдрэх Тархиар хатгуулж өвдөх Хараа, сонсгол муудах Нулимс гоождог болох Нойр муудах Мэдрэлийн суурь өвчин үүсэх Ой тогтоолт муудах Стрест өртөж ажлын чадвар буурах Хуйхны эрүүл орчин алдагдах Үс хуурайшиж, өнгөө алдах Тиймээс өвлийн улиралд малгай өмссөнөөр хүн дээрх өвчлөлөөс өөрийгөө хамгаалах юм. Эцэг эхчүүд хүүхдүүддээ хараа хяналт тавьж малгайг нь байнга өмсгөж хэвшүүлбэл, оюутан, залуус тогтмол малгай өмсөж заншвал тархи, толгойн өвчнөөс хол байх болно. Сүүлийн үед охид залуучууд маань өвлийн хүйтэнд ч толгой нүцгэн, нимгэн хувцастай явах нь элбэг. Иймд дээрх эрүүл мэндийн эрсдэлийг бодож эрүүл мэндээ хамгаалан малгай өмсөхийг уриалж байна.  Насанд хүрсэн хүн биеийн дулааны гуравны нэг хувийг толгой хэсгээрээ алддаг бол бага насны хүүхдүүд биеийн дулааны гуравны хоёр хэсгийг алддаг байна.