“ТНГРИ инвест” ХХК шилдэг ажилчдаа орон сууцаар урамшууллаа

Үндэсний үйлдвэрлэгч “ТНГРИ инвест” ХХК жил бүр шилдэг ажилчиддаа орон сууц, автомашин бэлэглэдэг уламжлалтай байна. Дэлхий нийтийг хамарсан цар тахлын үед ч энэ уламжлалаа хадгалан шилдэг гурван ажилтнаа байраар урамшуулжээ. Мөн коронавирусаас шалтгаалсан онцгой хөл хорионы үед 300 гаруй ажилтныхаа цалинг бүтэн олгож, цомхотгол хийлгүй ажлын байраа хадгалж үлджээ. Хөл хорионоос үүдэн эдийн засаг хумигдаж, аж ахуйн нэгжүүдийн 80 хувь зогсолт хийж, ажлын байр үгүй болж буй хүнд үед ажилтнууддаа тасралгүй дэмжлэг үзүүлсээр байгаа жижиг дунд үйлдвэрлэгчдийн төлөөлөл “ТНГРИ инвест” ХХК “Тоди” хүүхдийн живх, “Өд” ариун цэврийн цаас, Амт брэндийн бэлэн гоймон зэргийг чанартай үйлдвэрлэн дотоодын зах зээлд нийлүүлж, хэрэглэгчдийн талархлыг хүртээд байгаа юм .