Сурагчдын нэгдүгээр улирлын амралт ирэх сарын 20-оос эхэлнэ

Салбарын сайдын баталсан тушаалын дагуу ЕБС-ийн сурагчид I-III ангийн сурагчид 32, IV-V ангийн сурагчид 33, дунд, ахлах ангийн сурагчид 34 долоо хоног тус тус суралцах юм. Хуваарьт зааснаар бүх ангийн сурагчид ирэх 12 дугаар сарын 20-ны өдрөөс 1 дүгээр сарын 28-ныг хүртэл 6 долоо хоног амарна. Харин хоёрдугаар улирлын амралт 2022 оны 3 дугаар сарын 28-ны өдрөөс 4 дүгээр сарын 1-ний өдрийг хүртэл 1 долоо хоног үргэлжлэх юм. Хичээлийн жилийн нэгдүгээр улирлын 8, 9 дэх долоо хоногт Бага, дунд боловсролын тухай хуулийн 18 дугаар зүйлийн 18.1-18.3 дахь хэсэгт заасан үйл ажиллагааг зохион байгуулна. Мөн халдварт өвчний тархалт, агаарын бохирдол, өвөлжилт, мал төллөх хугацаанаас хамааруулан аймаг, нийслэлийн Засаг дарга нар хоёрдугаар улирлын 7 хоногийн амралтыг нэгдүгээр улирлын амралт дээр нэмж шилжүүлэн зохицуулж болно гэж заасан байдаг.