СОЛОНГОСЧУУДЫН СЭТГЭГДЭЛ: “Буруу зүйл хийвэл нас бага ч гэсэн шийтгэл хүртдэг болохыг ойлгуулж өгөөрэй”

13 настай Монгол охин БНСУ-д 14-16 насны дөрвөн охинд зодуулж, хүчирхийлэлд өртсөн талаар тус улсын MBC, SBS,  JTBC зэрэг томоохон хэвлэлүүд мэдээлсэн. Дээрх сувгуудаар гарсан мэдээллийн доор Солонгос иргэдийн үлдээсэн сэтгэгдлээс онцолж байна. SBS телевизийн мэдээллийн дор, “Адилхан дунд сургуулийн сурагчийн хувьд тэдний өмнөөс үнэхээр их уучлалт хүсч байна, Та бүхнээс хүчирхийлэгчдийг уучлахгүй байхыг хүсье. Тэдэнд шударга ёс, хууль гэж юу байдгийг харуулж өгөөрэй” гэж нэгэн сурагч сэтгэгдлээ үлдээжээ. Бусад сэтгэгдлийг харвал, “Сэтгэл өвдөж байна, байж боломгүй ийм хэрэг гарсанд, хүчирхийлэгчдийг хатуу шийтгэх ёстой”, “Хэлэх үг алга, хэрвээ Солонгос улсын иргэн харь нутагт явж байгаад ийм хэрэгт өртсөн бол зүгээр байхгүй байсан юм, цаашид юу болохыг харж байя”, “Адилхан хүн байж яаж ингэж хүнтэй адгуус шиг харьцаж чадаж байнаа, буг чөтгөр шиг хүчирхийлэгчдийг зүй ёсоор нь шийтгэж өгөөрэй, үнэхээр харамсалтай байна”, “Буруу зүйл хийвэл нас бага ч гэсэн шийтгэл хүртдэг болохыг ойлгуулж өгөөрэй”, “Хүүхдүүд нь ийм зүйл хийгээд явж байхад эцэг эх нь хаана юу хийгээд явдаг болоо, гайхаж байна. Гэр бүлийн хүмүүжил ч олгохгүй…”, “Үнэхээр арай хэтэрчээ, ямар хэцүү байсан бол доо, цагдаа нь хүртэл зүгээр яваад өгдөг нь асуудал, манай орны хүүхдүүд ч гэсэн өөр улсад очоод ийм байдалд орвол ямар хэцүү байх билээ дээ” зэрэг сэтгэгдлийг үлдээжээ. Сэтгэгдэл үлдээсэн Солонгос улсын иргэд бүгд Монгол охиноос уучлалт хүсч, хүчирхийлэгчдэд тохирсон ял шийтгэлийг нь оногдуулаарай гэх утга бүхий сэтгэгдлийг үлдээсэн байна.