E-Mongolia систем жилийн хугацаанд 4.8 тэрбум төгрөг улсын төсөвт төвлөрүүлжээ

Төрийн цахим үйлчилгээний нэгдсэн систем “e-Mongolia” нийтэд танилцуулагдсан цагаас хойш 1 жил гаруй хугацаанд төрийн 57 байгууллагын 571 үйлчилгээг цахимжуулаад байгаа бөгөөд 4,9 сая удаагийн төрийн үйлчилгээг амжилттай үзүүлж, төлбөртэй үйлчилгээнээс 4,8 тэрбум төгрөгийг улсын төсөвт төвлөрүүлсэн байна. Уг систем нэвтэрснээр Монгол улсын иргэн төрийн үйлчилгээ авахдаа үйлчилгээ үзүүлэгч байгууллага руу ирж, буцах унааны зардал, хугацаанаас үүдэлтэй зардал (хөдөлмөрийн хөлсний доод хэмжээгээр), төрийн үйлчилгээ авахад шаардагдах баримт бичиг бүрдүүлэх зардал зэрэгт нийт 52,8 тэрбум төгрөг хэмнэсэн талаар мэдээллээ. “e-Mongolia” системд 2 сая гаруй иргэн давхардсан тоогоор 6 сая гаруй үйлчилгээг цахимаар авсан ажээ. Тус системд 2021 оны 10 дугаар сараас эхлэн орон нутгийн нутгийн захиргааны байгууллагуудын үйлчилгээг цахимжуулж эхэлсэн бөгөөд өнөөдрийн байдлаар Төв, Хөвсгөл, Булган, Дархан-уул, Орхон, Сэлэнгэ, Сүхбаатар аймаг зэрэг долоон аймаг нутгийн захиргааны байгууллагынхаа үйлчилгээг цахимжуулаад байна. Эрэлттэй үйлчилгээ: Нэг шатлалт Үйлчилгээний нэр 1 Вакцины гэрчилгээ 2 Нийгмийн даатгалын шимтгэл төлөлтийн талаарх тодорхойлолт 3 Иргэний оршин суугаа хаягийн бүртгэлийн лавлагаа 4 Жолоочийн лавлагаа, мэдээлэл 5 Иргэний үнэмлэхийн лавлагаа 6 Авто тээврийн хэрэгслийн торгуулийн мэдээлэл 7 Жолоодох эрхийн оноо 8 Үл хөдлөх эд хөрөнгөтэй эсэх лавлагаа 9 Шүүхийн шийдвэрээр бусдад өр төлбөргүй эсэх тодорхойлолт /иргэн/ 10 Иргэний эрүүгийн хариуцлага хүлээж байгаа эсэх тодорхойлолт