НЭМҮТ-ӨӨС "ЭРҮҮЛ МЭНДИЙН МЭДЭЭЛЭЛ СУРТАЛЧИЛГААНЫ НЭГДСЭН САН"-ИЙН ЗАГВАР ТӨСЛИЙН СУРГАЛТ ХИЙВ

Нийгмийн эрүүл мэндийн үндэсний төвийн БХЗХ, ЭМДӨУСА-наас хамтран Эрүүл мэндийг дэмжих сангийн санхүүжилтээр хэрэгжүүлж буй Эрүүл мэндийн мэдээлэл сурталчилгааны нэгдсэн сан-1 загвар төслийн хүрээнд салбарын мэдээлэл сурталчилгааны ажилтнуудад мэдээллийн сангийн хэрэгцээ, мэдээллийн сангийн системийн анализ, дизайн, дижитал мэдээллийн сан буюу архивыг байршуулах загвар демог үүсгэх, ашиглах талаар суурь мэдээлэл, мэдлэг олгох танхимын сургалтыг 2021 оны 12 дугаар сарын 10-ны өдөр зохион байгуулав. Сургалтад ЭМЯ-ны харьяа лавлагаа шатлалын ЦССҮТ, ГССҮТ, АӨСҮТ, СЭМҮТ, ЗӨСҮТ, УХТЭ, УГТЭ, ТТАХНЭ, Наркологийн эмнэлэг, Эх нярайн эмэгтэйчүүдийн үндэсний төв, Хүүхдийн төв сувилал, Энэрэл эмнэлэг, хоёрдах шатлалын буюу нийслэлийн эрүүл мэндийн байгууллагуудаас дүүргүүдийн ЭМТ-үүд, Нэгдсэн эмнэлгүүд, Төрөх газрууд, Хүүхдийн сувиллуудын төлөөллүүд ирж оролцжээ. Түүнчлэн мэдээлэл сурталчилгааны ажилтнуудаас гадна тэдэнтэй баг болж ажилладаг IT (Information technology) буюу мэдээллийн технологийн инженер залуус ирж оролцсон нь ойрын ирээдүйд салбарын хэмжээнд эрүүл мэндийн мэдээлэл сурталчилгааны нэгдсэн сан үүсгэх зорилго бүхий энэхүү сургалтыг улам ач холбогдолтой, үр дүнтэй болгов.