Өдөрт ачаатай 60 орчим чингэлэг Замын-Үүд боомтоор нэвтрүүлж байна

Өчигдөр буюу 01 дүгээр сарын 17-ны өдөр импортын ачаатай 68 чингэлэг бүхий 1.088.3 тн ачааг хилээр нэвтрүүлж, Бүс нутгийн ложистикийн төвийн Гаалийн хяналтын бүсийн хяналтад хүлээн авчээ. Үүнээс 7 чингэлэг ачааг Улаанбаатар хотын гаалийн газрын хяналтад илгээсэн байна. Гаалийн бүрдүүлэлтийг 09.00-24.00 цагт хийж байна. Чингэлэг тээвэрлэлт 2022 оны 01 дүгээр сарын 11-ний өдөр 24 чингэлгээр эхэлсэн бол 01 дүгээр сарын 16-ны байдлаар өдөрт ачаатай 60 орчим чингэлэг хилээр нэвтэрч байна. 2022 оны 01 дүгээр сарын 11-ний өдрөөс 16-ны өдрүүдэд Замын-Үүд-Эрээн авто замын боомтоор нийт ачаатай 301 чингэлэгт 5200 орчим тонн ачаа хилээр нэвтэрлээ. Замын-Үүд сумаас ачаа ачсан 117 тээврийн хэрэгсэл Улаанбаатар хот руу, 27 тээврийн хэрэгсэл бусад аймаг орон нутагт руу гарчээ.