30 мянган хүн өрхийн эмчийн хяналтад гэрээр эмчлүүлж байна

Сүүлийн үед коронавирусийн халдварын тоо огцом нэмэгдэж, тэр дундаа энэ удаагийн давалгаанд хүүхэд болон жирэмсэн эмэгтэйчүүд халдвар авах тохиолдол олон байна. Өнөөдрийн байдлаар нийслэлийн хэмжээнд 30054 хүн өрхийн эмчийн хяналт дор гэрээр эмчлүүлж байгаа юм. Өрхийн эмч нар багцын эмчилгээг 3 болон 5 хоногоор олгож байгаа бөгөөд багцын хувьд хүрэлцээтэй байгаа талаар холбогдох хүмүүс мэдээллэж байна. 2022 оны нэгдүгээр сарын 16-ны өдрийн байдлаар нийслэлийн хэмжээнд зорил ттот хүн амын 51.8 хувь гуравдугаар тунд, 4.4  хувь нь дөрөвдүгээр тунд  хамрагджээ.  Өрхийн эрүүл мэндийн төвүүдэд эмч, эмнэлгийн ажилтнуудад туслах үүднээс  400 гаруй мэргэшигч эмч болон улаан загалмайн 146 сайн дурын ажилтан ажиллаж байна. Нийслэлийн хэмжээнд 12 түр амбулаторийг байгуулж ковид туссан иргэдэд үйлчлэхээр зохион байгуулссан бөгөөд хувийн хэвшлийн хүүхдийн долоон эмнэлгийг мөн ковидын эмнэлэг болгон ажиллуулж байгааг албаныхан хэлж байна.