Их Британид илэрсэн коронавирусийн шинэ хувилбараар /B117/ халдварласан тохиолдол дэлхийн 37 улсад бүртгэгджээ. Мэргэжилтнүүдийн үзэж буйгаар, “B117” нь “COVID-19”-ийн бусад хувилбараас илүү хурдан халдварладаг боловч илүү хүндээр өвчлүүлдэг гэх нотолгоо байхгүй байна.
Шинэ хувилбар коронавирусийн вакцины үйлчлэлд нөлөөлөх эсэхийг тогтоох лабораторийн судалгааны дүн энэ долоо хоногт гарах төлөвтэй байна гэж ДЭМБ-аас мэдээлжээ.
“CNN” сувгийн мэдээллээр, “B117” хувилбар Их Британи, Австрали, Бельги, Бразил, Канад, Чили, БНХАУ, Дани, Финланд, Франц, Герман, Исланд, Энэтхэг, Ирланд, Израил, Итали, Ямайка, Япон, Йордан, Ливан, Мальта, Люксембург, Нидерланд, Шинэ Зеланд, Норвег, Пакистан, Португал, Арабын Нэгдсэн Эмират, Сингапур, БНСУ, Испани, Швед, Тайланд, Турк, АНУ /Флорида, Калифорни, Колорадо/, Вьетнам, Хонконг, Тайваньд илэрсэн байна.
