Өчигдөр/2021.02.11/ 40 хүнээс коронавирусийн халдвар илэрч, улсын хэмжээнд халдварын батлагдсан тохиолдол 2247 болсон байна. Үүнээс 1640 тохиолдол эдгэрч, 582 хүн эмнэлэгт хэвтэн эмчлүүлж байна.
Улсын онцгой комиссоос гаргасан шийдвэрийн дагуу Бүх нийтийн бэлэн байдлын зэрэгт шилжсэнтэй холбогдуулан зохион байгуулж буй “Нэг хаалга-Нэг шинжилгээ” үйл ажиллагаа өчигдөр эхэлсэн.Тус шинжилгээнд нийт 30.474 хүнийг хамруулаад байна. Тухайлбал:
- Багануур -79
- Баянзүрх -5686
- Баянгол -4394
- Хан-Уул -2763
- Чингэлтэй -3743
- Сүхбаатар -2579
- Сонгинохайрхан -9343
- Налайх -1809 хүн шинжилгээнд хамрагджээ.
Энэ сарын 11-нээс 23-ны өдрүүдэд үргэлжлэх “Нэг хаалга-Нэг шинжилгээ” үйл ажиллагааны хүрээнд нийслэлийн найман дүүрэгт шинжилгээний 84 цэг, явуулын 146 багийг зохион байгуулж нийт 1414 эмч, эмнэлгийн мэргэжилтэн ажиллаж байгаа юм.
