И-март худалдааны төв нь бараа, ажил, үйлчилгээг хууран мэхлэх, төөрөгдүүлэх замаар худалдан борлуулсан тул Скайхапермаркет ХХК-ийг 20,000,000 (Хорин сая) төгрөгөөр торгохоор болжээ.
Хэрэглэгчийн гомдол, хэвлэл мэдээллээр гарсан мэдээллийн дагуу Шударга өрсөлдөөн хэрэглэгчийн төлөө газраас хяналт шалгалт хийсэн бөгөөд И-март худалдааны төвд худалдаалж буй зарим төрлийн жимс гарал үүсэл, сорт зөрөөтэй, үйлдвэрлэгч тодорхойгүй төөрөгдүүлсэн мэдээлэл хэрэглэгчдэд өгч худалдан борлуулдаг нь тогтоогдсон байна. Иймд Зөрчлийн тухай хуулийн 10 дугаар зүйлийн 10.2.3-т заасныг үндэслэн бараа, ажил, үйлчилгээг хууран мэхлэх, төөрөгдүүлэх замаар худалдан борлуулсан тул тус компанид 20 сая төгрөгийн торгууль ноогдуулжээ.
Иргэдийн гомдол:
- Хан-Уул дүүргийн И-март дэлгүүрт худалдаалагдаж байгаа японы Акидавара будаа 2, 3, 5 кг-аар савлагдсан байдаг. Кг нь 8320 төгрөг. Энэ будааг 5 кг-аар ихэвчлэн авдаг, илт хөнгөн санагдаад байхаар 2-3 удаа жинлэж үзэхэд 400-600 гр дутдаг, будааг хальснаас нь цэвэрлэж байгаа худалдагч болон хэрэглэгчийн үйлчилгээний төвд хэлэхэд хариу өгөөгүй. Иргэдээс нэг савлагаат будаанаас 4000-5000 төгрөг илүү авч байна. Үүнийг шалгана уу.
- Задгай чихэр авсан бүгд үнийг өөр үнээр бодож өгсөн байсан шүү. 7000 төгрөгний чихэр авлаа гэхэд 20000 гэж бодох жишээний сайн харахгүй бол дандаа тэгэж хамаагүй үнээр оруулдаг юм байна лээ.
