Цэргийн гавъяаны одонт, Хилийн 0218 дугаар ангийг 2021 оны 12 дугаар сарын 18 ны өдрийн Монгол Улсын Засгийн газрын 369 тоот тогтоолоор хүндэт хилчин, хүндэт чекист, хошууч генерал Лувсан-Осорын Баябазарын нэрэмжит болгосон Засгийн газрын тогтоолыг хүлээн авах ёслол хүндэтгэлийн ажиллагааг 2021 оны 12 дугаар сарын 23- ны өдөр "Буянт-Ухаа" Олон Улсын нисэх буудалд тус анги зохион байгууллаа. Монгол Улсын Засгийн газрын тогтоолыг ХХЕГ-ын Захиргааны удирдлага эрхэлсэн дэд дарга, хурандаа Д.Мөнгөнжин гардуулсан юм. Уг арга хэмжээнд урилгаар ХЗДХЯ-ны Бодлогын хэрэгжилтийн газрын мэргэжилтэн, хурандаа Ч.Цолмонбаяр, бэлтгэл хошууч генерал Ж,Ишдорж, Я.Пүрэвдорж, Д.Ганбаатар, Т,Хүрэлбаатар, МУ-ын хөдөлмөрийн баатар Р.Раш болон хошууч генерал Л.Баябазарын гэр бүл, үр хүүхдүүд хүрэлцэн ирж хүндэтгэл үзүүллээ.
Хилийн 0218 дугаар анги хүндэт хилчин, хошууч генерал Лувсан-Осорын Баябазарын нэрэмжит боллоо
