Боловсрол, соёл, шинжлэх ухаан, спортын байнгын хорооны хуралдаанаар Боловсролын ерөнхий хуулийн шинэчилсэн найруулгын төслийн хэлэлцүүлгээр Англи хэл нь үндсэн хэл байна гэх заалт унажээ.
УИХ-ын гишүүн Г.Дамдинням: “Боловсролын яамнаас хийсэн удаа дараагийн үнэлгээгээр энэ салбарын тогтолцоо нь хямралд орсон нь баталгаажсан. Нэг хэсэг нь дэлхийн хэмжээний мэдлэг авч байгаа бол нөгөө хэсэг нь бахь байдгаараа байна. Англи хэлийг үндсэн гадаад хэл болгох заалт уначихлаа. Энэ заалтыг Засгийн газраас дэмжээд, анхны хэлэлцүүлгээр дэмжигдсэн. Гэсэн ч өнөөдөр Боловсролын тэгш бус байдалтай холбоотой маш чухал заалт маань уначихлаа. Монгол орны ирээдүйтэй холбоотой хуулийг хэлэлцэж байна. Мэдээж Монгол хэлээ нэгдүгээрт үзнэ. Харин дэлхийн өндөр хөгжилтэй мөр зэрэгцэн алхахын тулд Англи хэлийг үндсэн гадаад хэл болгох ёстой байлаа. Боловсролын багц хуулийн хамгийн чухал заалт уначихлаа. Одоо УИХ-ын чуулганы дийлэнх гишүүд энэ заалтыг авч үлдэх сүүлийн боломж байна” гэв.
