"Гацуурт" компанийн захирал, Хөдөлмөрийн баатар Л.Чинбатад холбогдох бусдын амь насанд заналхийлсэн хэргийг прокурорт шилжүүлээд байсан бол хэрэг бүртгэлтийн ажиллагааг дутуу явуулсан гэж үзээд прокуророос буцаажээ. Л.Чинбатын танхайрсан, бусдын амь насанд заналхийлсэн үйлдэл нь гэмт хэргийн шинжтэй байж болзошгүй гэж Сэлэнгэ аймгийн цагдаагийн газраас үзэж түүнийг яллагдагчаар татах саналтай хэргийг прокурорт шилжүүлсэн байдаг. Түүнийг 2023 оны зургадугаар сарын 15-ны өдөр 13.40 цагт нутгийн иргэн Б, М нарыг “Тоёота ланд круйзер маркийн тээврийн хэрэгслээр хөөж мөргөсөн” гэх гэмт хэргийн шинжтэй үйлдэлд Эрүүгийн хуулийн тусгай ангийн 10.1, 13.14, 20.16 зүйлд зааснаар хэрэг бүртгэлтийн хэрэг нээж, мөрдөн шалгах ажиллагаа явуулж байгаа талаар өмнө нь цагдаагийн байгууллагаас мэдээлж байсан юм.
Чинбатыг гурван зүйл ангиар яллах дүгнэлт үйлдэн прокурорт хүргүүлээд байсан. Үүгээр бол Л.Чинбат нь 1-5 жил хорих, эсвэл жолоодох эрхийг хасах ял авах боломжтой байгаа юм.