Шүгэл үлээгч иргэн Ж.Энхбатын Сүхбаатар дүүргийн 19 хорооны Хандгайтын зуслан гэх газарт голын ай саваас 5 метр хүрэхгүй газарт ойн санг сүйтгэж барилга барьж байна гэх гомдлын дагуу БОАЖ-ын Сайд Б.Бат-Эрдэнэ болон Салбарын хяналтын газар, Ойн газар, Усны сан, Нийслэлийн БОГ, Сүхбаатар дүүргийн газрын албаны дарга нар газар дээр нь ажилласан байна.
Уг барилгыг зогсоож газар олголтыг цуцлах бүрэн эрх нь Сүхбаатар дүүрэгт байдаг ба ойр орчмын хууль бус газар олголтыг зогсоох ажил эхэлснийг тус дүүргийн газрын албаны дарга Э.Зоригоо хэллээ. БОАЖ-ын Сайдын өгсөн чиглэлийн дагуу ойн санг сүйтгэж барилга барьж буй газар олголтыг зогсоох ажлыг ирэх нэгдэхээс эхлүүлнэ гэв.
2023.05.07
