Монгол Улсын хилээр нэвтрүүлэхийг хориглосон, хязгаарласан бараа, тэдгээрийг хилээр нэвтрүүлсэн, нэвтрүүлэхийг завдсан тохиолдолд хүлээлгэх хариуцлага зэрэг хилээр нэвтрэхэд анхаарах зүйлсийг Монгол, Англи хэл дээр бэлтгэн “Чингис Хаан” олон улсын нисэх онгоцны буудлын хүлээлгийн танхим, хил, гаалийн хяналтын бүс, онгоцны тасалбар дээр “QR” хэлбэрээр байршуулсан байна.
Манай улсын иргэд хилийн чанадад зорчихдоо хориглосон дайвар ачаа, тээш илгээмж, эд зүйлийг авч улсын хил нэвтрүүлснээр гэмт хэрэгт холбогдох эрсдэлтэй байна. Иймд бусдаас дайвар эд зүйл, ачаа тээш авахаас татгалзахыг цагдаагийн байгууллагаас зөвлөж байна.
