Монгол Улсын нийт хүн амын тоо 2023 оны эцсийн байдлаар 3.504.741 хүрснээс 51 хувь нь эмэгтэйчүүд байна. Нийт эмэгтэйчүүдийн 50.7 хувь нь Улаанбаатар хотод, 49.3 хувь нь хөдөө, орон нутагт амьдарч байна.
Монгол эмэгтэйчүүдийн дундаж наслалт 76.7 бол анхны гэрлэлтийн дундаж нас 26.7 байна. Хамгийн өндөр настай монгол эмэгтэй 120-той.
Боловсрол, хөдөлмөр эрхлэлтийн байдлаар нь авч үзвэл, Ерөнхий боловсролын сургуульд суралцагчдын 50 хувь нь, их дээд сургуульд суралцагчдын 61 хувь нь эмэгтэйчүүд. Хувиараа хөдөлмөр эрхлэгчдийн 53.3 хувь нь эмэгтэй, ААН-ийн удирдах албан тушаалд ажиллаж буй эмэгтэйчүүд 37.2 хувийг эзэлж байна.
