3 үгт хаяг буюу яаралтай тусламж дуудах байршил тодорхойлогчийг E-Mongolia аппликэйшнаас илгээдэг боллоо

Иргэд "Гэмт хэрэг зөрчил, гамшиг осол, гал түймэр, эмнэлгийн яаралтай тусламж`-ийн дуудлага, мэдээлэл өгөхдөө өөрийн хаяг байршил, байгаа газраа хэлж мэдэхгүй тохиолдолд E-Mongolia аппликэйшны нэмэлт цэс дотор байрлаж буй "Яаралтай түргэн тусламж дуудах" дээр дарснаар өөрийн байршлын 3 үгт хаягаа хялбархан тогтоох боломжтой боллоо. Энэхүү систем нь дэлхийн газрын гадаргууд З метрийн хэмжээтэй торлол үүсгэн тухайн дөрвөлжин тус бүрийг дахин давтагдашгүй З үгээр хаягжуулсан байдаг. Өөрийн ухаалаг гар утсан дээрээ интернэттэй болон интернэтгүй аль ч тохиолдолд татаж суулгасан E-Mongolia аппликэйшныг ашиглан таны байршлыг тодорхойлж танд тусламж үзүүлэх юм. Хэрэв  E-Mongolia аппликэйшныг татаагүй тохиолдолд Мэдээлэл, шуурхай удирдлагын төвөөс иргэн pyу тусгай холбоос мессежээр илгээж, түүн дээр дарснаар тухайн иргэн өөрийн байгаа байршлын 3 үгт хаягийг утаснаасаа харан мэдээлэл хүлээн авагчид хэлснээр таны байршлыг тогтоох боломжтой юм.